PARTANGIANGAN SEKSI PAROMPUAN HURIA (SPH) SA RESORT

 

PARTONDING NI PARTANGIANGAN

SEKSI PAROMPUAN HURIA (SPH) SA RESORT

HKBP RESORT SOLA GRACIA CIBITUNG

DISTRIK XIX BEKASI

Jumat, 13 September 2024 Pukul 19.00 WIB – sidung

Di HKBP Cibitung

Kampung Utan RT 02 RW 09 No. 90Kel. Wanasari Cibitung 17520– Bekasi

 

                                                                       

I.              PANGARADEON

II.           PARTANGIANGAN

 

1.    Invocatio

 

L:      Tabe ma di hamu saluhutna houm parompuan ruas ni huria i, sa HKBP Resort Sola Gracia Cibitung! Nunga dipapungu asi roha ni Tuhanta hita di Gareja on, laho marsomba tu Tuhanta na pinapungu ni Partangiangan Seksi Parompuan Huria (SPH) na sa resort. Antong ale dongan, tapungka ma Partangiangan on di bagasan las ni roha dohot hamauliateon godang tu Debata.

 

H:     Mauliate ma ale Tuhan Debatanami, na mangalehon partingkian on di hami.

 

L:      Hata ni Debata mandok: Asa sai marsaor hita dohot Ibana, asa itajalo sian Ibana hagogoon mangadopi abadabad di parngoluonta be. Jala dilehon di hita roha na ungkap manangihon hataNa. Antong tapuji jala tapasangap ma Ibana marhite na marende. Marende ma hita BE HKBP No 28: 1+6.

 

2.    Marende BE HKBP No. 28: 1+6 Hata ni Jahowa (BL 203) Es=Do 4/4

 

1.       Hata ni Jahowa sipadame jolma, hangoluan i.

Halalas ni roha, siapuli roha ni na marsak i.

Gogo ni Debatangki paluahon na porsea sian nasa jea.

 

--- Jongjong ---

 

2.       I do haojahan na tongtong manahan salelengna i.

I hajongjonganhu, i do haposanhu, hangoluanhi.

Gogongki tongtong ma i mangihuthon tu hataMu, lao mambaen lomoNa.

 

3.  Votum~Introitus~Tangiang (A. XV/A.23 – D. XIII/57)

 

L:      Marhitehite Goar ni Debata Ama dohot Goar ni AnakNa Tuhan Yesus Kristus dohot Goar ni Tondi Parbadia na tumompa langit dohot tano on.

 

R:      Amen.

 

L:      Songon on do didok Tuhan Jesus: Ianggo poda na di Ahu, ndang Ahu nampunasa, poda ni na marsuru Ahu do i. Molo adong manang ise na mambahen lomo ni roha ni Ama i, botoon ni i do taringot tu poda i, manang na sian Debata i, manang na huhatahon i sian roharohangku sandiri. Songon na nidok ni Surat i: Angka batang aek na mangolu do mabaor sian pamatang ni na porsea di Ahu. Haleluya! (Martangiang ma hita:) Ale Tuhan Debata, Pargogo na so hatudosan, Amanami saleleng ni lelengna! Asi ni rohaM do na mangaramoti hami sian nasailaon rasirasa nuaeng, jala asi ni rohaM do na mangalehon Barita na Uli i, gabe hangoluannami. Sai asi ma roham, sai buhai ma rohanami jala lehon TondiM na badia i, asa huantusi hami sude panogunoguM dohot pambahenMu na balga i. Paian ma HataM di bagasan rohanami, tarlumobi ruas ni huriaM parompuan Resort Sola Gracia Cibitung, asa mardame jala sonang hami jala lam imbaru rohanami marhitehite AnakMu, Tuhan Jesus Kristus Tuhannami. Amen.

 

4.  Koor SPH: HKBP Persada Sukajaya & Pospel GCV

 

5.  Marende BE HKBP No. 248: 2 Saleleng Ho di Tano on (BL 18) As=Do 4/4

 

2.     Sai songon hau na denggan ho ramos parbue nii.

Bulungna pe na uli do, antong sai tiru i.

 

6.  Pangauhonon di Pardosaon

 

Uluan:       Di na pungu hita di bagas on. Hita saluhutna ruas ni huria ni Tuhan Jesus Kristus houm parompuan, tung tama situtu do ingotonta godang ni dosanta.

 

Puguan:    Martangiang di bagasan rohana be …hohom sangombas…

 

Uluan:      Di na marningot hita di balga ni Holong ni Tuhan i di hita jolma, tama do ingotonta godang ni dosa na taulahon. Atik pe godang dosanta ndang sundat Tuhan i manghaholongi hita. Ingkon parhatopotonta do:  Jotjot do hita ganggu di Tuhan i. Lupa hita mamarangehon hataNa. Gale hita mangulahon HataNa,  gale maradophon huria, keluarga, ianakhon, dongan, dohot maradophon negara.

 

Punguan:  O Tuhan, hutopoti ma, luhutna dosangki. Asi roham, sai sesa ma, gok di Ho ma hosa dohot tondingku.

 

Uluan:      Di ragam ni hamaolon  na masa di ngolunta, dipangido  Tuhan i do asa gabe parhobas hita di  donganta, unang sihobasan; asa pangapuli hita unang siapulan; Asa pangurupi hita unang siurupan; asa parholong hita unang sihaholongan; Asa  pardame hita unang sipadameon.

 

Punguan:  O Tuhan, hutopoti ma, luhutna dosangki. Asi roham, sai sesa ma, gok di Ho ma hosa dohot tondingku.

 

Uluan:      Atik pe godang dosanta ndang sundat Tuhan i mangasii hita. Ingkon parhatopotonta do sude dosanta di adopan ni Tuhanta na basa i. Tabege ma hata ni Debata taringot tu hasesaan ni dosanta. Didok di Jesaya 1: 18 “Tung sura rara dosamuna songon abit bunga dapdap bontar do bahenonku songon itak; nang pe rara songon abit hasumba, gabe songon hapas do muse”.

 

Punguan:  Songon dia parangengku di si?

 

Uluan:       Ninna Tuhan Jesus: Ro ma hamu tu Ahu, hamu angka na loja jala na sorat, asa hupasonang hamu! Didok apostel Paulus di Epesus 4: 23-24+32 “Alai paimbaru hamu ma dirimuna di bagasan tondi ni rohamuna. Jala solukhon hamu ma jolma na imbaru, na tinompa suman tu Debata, di bagasan hatigoran dohot hapolinon na marhasintongan. Gabe na basar ma hamu sama hamu, angka parsiroha, masisesan dosa ma hamu, songon panesa ni Debata di dosamuna di bagasan Kristus”.

 

Punguan:    Amen, amen, amen. Pinuji ma Tuhan i! Haleluya, amen.

 

7.  Marende BE HKBP No. 177: 2 Ndada Tarhatahon (BL 147) Bes=Do 4/4

 

1.       Naeng pangoluonNa jolma sasude. Naeng pasonangonNa nang parjahat pe.

Asal ditangihon saluhutna i. Hata hangoluan binoanNa i.

 

8.  Manjaha Hata ni Debata (Sijahaon Manogot) Ul. Ap. 12: 6-19

 

P:       Hata ni Tuhanta di hita diparangiangan on, sijahaon manogot di Almanak HKBP Ulaon ni Angka Apostel 12: 6-19 Dung i di na naeng togihonon ni Herodes si Petrus, modom do ibana borngin i di holangholang ni dua soldadu, tarihot dohot rante dua; di jolo pintu ni hurungan i pe adong do na manjaga.

 

H:     Dung i tompu ma ro surusuruan ni Tuhan i jadi marsinondang ma sada panondang di bilut i, dituktuk ma lambung ni si Petrus manungguli ibana, huhut didok: Hatop ma ho hehe! Jadi marpeutan ma angka rante i sian tanganna.

 

P:       Dung i didok surusuruan i ma tu ibana: Hohosi ma dagingmi, pasang ma sipatumi! Jadi dibahen ma songon i. Dung i didok ma tu ibana: Uloshon ulosmi; ihuthon ma ahu!.

 

H:     Dung i diihuthon ma ibana laho tu balian, jadi ndang diboto, manang na tutu do songon i masa tu ibana marhite sian surusuruan i; dirimpu do, di bagasan tondina diida i.

 

P:       Alai dung dibolus nasida panjaga na parjolo dohot na paduahon i, sahat ma nasida tu harbangan bosi, dalan tu huta. Jadi mungkap boti ma i di jolonasida, gabe ruar ma nasida tu dalan di huta i, dung i pintor sirang ma surusuruan i sian ibana.

 

H:     Jadi dung tarjolma si Petrus, ninna ma: I pe asa huboto situtu, naung disuru Tuhan i do surusuruanna mangaroro ahu sian tangan ni si Herodes dohot sian nasa na niarop ni bangso Jahudi.

 

P:       Jadi dung tangkas i di ibana, laho ma ibana tu bagas ni si Maria, ina ni si Johannes na margoar huhut Markus; torop do disi marpungu martangiang.

 

H:     Alai dung dituktuhi ibana pintu parduru, ro ma naposo boruboru na margoar Rode mananginangi.

 

P:       Ditanda ma soara ni si Petrus alai ndang manigor diungkap pintu i dibahen las ni rohana; tu bagasan do ibana marlojong paboahon, naung jongjong do hape si Petrus di jolo pintu i.

 

H:     Gabe didok nasida ma tu ibana: Na rintik do ho; alai sai diondolhon do hatana i, jadi didok nasida nama: Surusuruanna do i.

 

P:       Alai sai didatdati si Petrus do manuktuhi; jala di na mangungkap i nasida, diida ma ibana, gabe tarhalomong ma rohanasida.

 

H:      Alai dihiraphon ma tanganna tu nasida, asa sip; dung i dipajojor ma tu nasida pambahen ni Tuhan i, manogihon ibana ruar sian hurungan i, laos didok ma: Baritahon hamu ma i tu si Jakobus dohot tu angka dongan. Dung i laho ma ibana tumopot inganan na asing.

 

P:       Alai dung torang ari, gaor situtu ma roha ni angka soldadu i taringot tu na masa di si Petrus i.

 

H:      Alai dung so jumpang si Herodes ibana, atik pe dilului, diuhumi ma angka panjaga i, didokkon ma togihononhon nasida tu hamatean; laos bungkas ma anggo ibana sian Judea tu Kaesarea, jadi disi nama ibana na maringan.

 

P:       I ma sahatna. Martua do angka na tumangihon Hata ni Debata, jala na umpeopsa.

 

P+H: Amen

 

9.  Koor SPH: HKBP Setu & HKBP Cibitung

 

10. Tangiang Pangondian:

 

11.  Marende BE HKBP No. 485: 2 Dongani Au Tuhan (BL 243) D=Do 4/4

 

2.       Ho sipalua au, buri ma au tangkas.

          MudarMu na use mambahen au ias.

          Sai togu au na lilu tu asi ni rohaMu.

          Malua ma rohangku, sinesa nang dosangku.

          Gok dosa do hian au on, sai buri rohangkon.

 

12.  Jamita Heber 10: 24-25

 

Masiantoan ma hita, masipajujuan tu haholongon dohot tu angka ulaon na denggan!

Unang tatadingkon parpunguanta hian, songon na hinasomalhon ni na deba; tung masipaingotan ma hita, jala lam i ma nian, ala lam jonok diida hamu ari i!

 

HATORANGAN

 

Huria ni Tuhanta adong sada barita mardongan poda: PARALEAELON NI HANGSA.

 

Tontu sude do hita hea marnida manang umboto parngoluon ni unggas “hangsa.” (Angsa hata Indonesia). Molo margonti partingkian (musim), marpinda inganan do angka hangsa jala marturpukturpuk (kelompok) do parhabangna. Jala marhabangan ma hangsa on manjalahi inganan na imbaru. Di tingki habang i nasida di aoangaoang di langitan gabe targombar ma huruf “V”. Molo lam hatop parhabang nasida, antar hira 71% sian rombongan i ingkon humatop parhabangna sian na na habang marsasada.

Molo loja uluan ni rombongan, pintor pinda inganan do i habang di bagian parpudi jala digontihon donganna ma ingananna manguluhon rombongan i. Molo adong na marsahit, isara hona luha tembak, pintor digantihon donganna do uduran nii, paima tu darat nasida. Paimaon nasida do sahat tu na hipas donganna asa rap marsada muse rap habang dohot rombongan na mangihut. Mansai uli do parngoluon ni hangsa. Soada manggarop upa, tongtong marsiondian.

Beha do ulaning ngolu ni hita na sapunguan on?

Adong do dihita panghilalaan sisada lulu anak sisada lulu boru, manimbung rap tu ginjang, mangangkat rap tu toru?

 

Hata ni Tuhanta tu angka halak Heber naung mangihuthon Jesus di jamita on mandok: Masiantoan ma hita, masipajujuan tu haholongon dohot tu angka ulaon na denggan!

Hita na sapunguan on tarjou do: Masiantoan ma hita masipajujuan tu haholongon tu angka ulaon na denggan. Angka na so masiantoan, marsiantoanma! Asa boi masipajujuan asa rap patupahon ulaon na denggan! Tontu na maol do halak na so masiantoan rap mangulahon na denggan!

Ngolu ni huria di tingki i, (Surat Heber on) di bagasan pangaleleon jala managam do pe huria i masa do pe pangaleleon na jumorbut. Nang pe songon i, ingkon patuduhonon nasida hasatiaon nasida tu Debata, pangoloion nasida mangulahon hata ni Debata. Marhite: Masiantoan, masipajujuan tu haholongon dohot tu angka ulaon na denggan! Amen!

 

13. Diskusi:

1.       Aha do ulaon na denggan na hinalomohon ni Debata? Surathon tolu contohna dohot ayatna di Bibel.

2.       Hendaknya kita tidak seperti rombongan besar orang yang mencari Tuhan karena “roti” (Mat 6:25-27). Banyak orang tidak mengasihi “jiwanya” tetapi lebih mengasihi “tubuhnya” dan perasaannya yang telah tercemar dengan dosa. Mengasihi tubuh nyata dalam tindakannya mendandani dan menghidupinya secara berlebihan. Atau tidak pada proporsinya. Mereka orang yang tidak mengerti apa yang Tuhan Yesus katakan “asal ada makanan dan pakaian cukup” (1Timoteus 6:8). Orang-orang seperti ini mencelakai jiwanya. Mereka mengasihi diri sendiri secara salah (Narsisme).  Perilaku ini penghambat untuk kita, saling memperhatikan, saling mendorong dalam kasih dan dalam pekerjaan baik. Sibuk dengan diri sendiri, boleh menjadi menjauhkan diri dari pertemuan-pertemuan ibadah kita. Bagaima cara kita menasihati?

3.       Mardosa do hita molo so Masiantoan hita, molo so masipajujuan tu haholongon tu angka ulaon na denggan. Hataridaan ni tangkang ni rohanta do i, ndang mangargahon ulaon panghophopon ni Tuhan Jesus Kristus di hau pinarsilang. BE HKBP No. 481 Godang do pe siguruhononmi, asa tu sos ho dohot Tuhan mi! Surathon ma jolo tolu siguruhonon i!

 

14. Marende BE HKBP No. 116: 1… Ditompa Ho do Au (BL 243) D=Do 4/4 (Papungu Pelean)

 

1.       Ditompa Ho do au, sondangi rohangkon.

Tung basabasaM i sude na di au on.

Gomgomi pamatanghu, naeng Ho do oloanhu.

Sai lehon ma gogongku, lomoM naeng ulaonhu.

Urupi tatap au tutu Panompa na burju.

 

2.       Tuhan Sihophop au sai buri tondingkon.

Marhite mudarMi torusi ngolungkon.

Pinuji ma goarMu, arga ma panghophopMu

Dibaen pangalahongku, nang nasa ulaonhu.

O Jesus Sipalua au, tu Ho ma au patau.

 

 

3.       Tu TondiM i Tuhan hulehon diringkon.

Sai tong ma dirajai sandok pamatanghon.

Ibana hutangihon, sai saut au ditogihon;

Tu ngolu partondion, manahan di ujian.

O Tondi Porbadia i, sai Ho ma Rajangki.

 

 

15. Tangiang Pelean dohot Pasupasu

 

16. Mangendehon: (Amen, amen, amen)

Rumusan Hasil Diskusi Kelompok:

Kelompok 1: Pdt. Liner Mersia Sihombing

Kelompok 2: Pdt. Dimma Sidabutar

Kelompok 3: Pdt. Milton H. Ompusunggu

Kelompok 4: St. Toni Simorangkir, St. Simbolon, St. Tulus Hasibuan, St. Marasi Pakpahan.

1. Mangasahon asi roha ni Jesus Kristus dipargogoi jala dipatau ma sude ruas ni huria houm parompuan di HKBP Resort Sola Gracia Cibitung parompuan siparholong, songon si Maria, songon di Lidia parhaen hasumba, songon si Rut, songon si Ester songon Tuhan Jesus.

2. Paingothon dongan marhite hata na lambok, songon panurirang Natan paingothon raja David diadopan ni dua tolu halak dongan sitindangi.

3. Siguruhonon tu joloon: 1. Mengampuni songon Jusuf, songon Jesus, 2. Torup marroha, rendah hati songon halak Samaria na burju roha 3. Mengikut Yesus harga mati; sian nasa gogo, roha dohot pingkiran.