MANGHOBASI PUNGUAN INA HANNA DISTRIK XIX BEKASI

 PARTORDING NI ACARA PARTANGIANGAN (PHD)
PUNGUAN INA HANNA
HKBP DISTRIK XIX BEKASI
DI HKBP PERUMNAS 2 BEKASI 

Ev: Pilippi 4: 4 – 7 & Ep: Psalmen 22: 26 – 32

T E M A :

MARLAS NI ROHA MA HAMU TONGTONG DI BAGASAN TUHAN I! (PILIPPI. 4 : 4)

Rabu, 24 April 2024 Pukul 10.00 WIB

1) MARENDE BE HKBP NO. 569: 1+3 “O DEBATA TUNG LONGANG DO ROHANGHU” 

 

♫ O Debata tung longang do rohanghu, molo hubereng na tinompaM i

Saluhut bintang, hilap dohot ronggur Manghatindanghon hasangaponMi

Marende au Tuhan mamuji Ho. O Debata, sangap do Ho

Marende au Tuhan mamuji Ho. O Debata, sangap do Ho

 

---------- Jongjong ----------

 

♫ Molo huingot balga ni holongMu, marhite Jesus na tarsilang i

Anak sasadaMi o Debatanghu, dilehon Ho manobus jolma i

Marende au Tuhan mamuji Ho: O Debata, sangap do Ho

Marende au Tuhan mamuji Ho: O Debata, sangap do Ho

 

2) VOTUM – TANGIANG

 

U: Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on.

 

U+H: Amen!

 

U: Marolopolop tu Debata ma ho, ale sandok tano on! H: Endehon hamu ma hamuliaon ni goarNa, marmulia bahen hamu pujipujianNa.

 

U: Dok hamu mandok Debata: Tung na songkal do angka pambahenanMu! Binahen ni hinatimbul ni gogoM ingkon marsomba tu Ho angka musuM. Haleluya. Martangiang ma hita! Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateM i, ala disondangi Ho tanomannami, asa marpangkirimon na mangolu hami ala ni haheheonMi.

 

H: Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan.

 

U: Antong pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen. (Hundul)

 

3) MARENDE BE HKBP NO. 575: 1 “PUJI MA DEBATA NA SONGKAL”

 

♫ Puji ma Debata na songkal. Pasangap ma goarNa

Puji ma angka rura dohot lung angka dolok na timbo

Dohot hasak ni galumbang sude mamuji Ho

Langit i na mansai hembang. Bintang i na mansai torang

Ombun i na mansai saksak, pasangaphon Ho o Debata

Tung so olo tading au lao mamuji Ho Tuhan

Nasa gogo bahenonhu lao pasangaphon Ho

Ro di ujung ni ngolunghu sai pujionku Ho

 

4) MANJAHA HATA NI DEBATA

 

U: Tabege ma hata ni Debata, na gabe Epistel di parpunguanta sadari on, ima na tarsurat di Psalm 22: 26-32. Asa Ho do haroroan ni pujipujianhu di tongatonga ni huria na ria i, gararonhu ma angka bagabaganghu di jolo ni angka na manghabiari Ibana.

 

H: Sai mangan do sogot angka na dangol i jala butongan, ingkon mamujimuji Jahowa do angka na usouso di Ibana, sai huminsa do rohamuna salelenglelengna.

 

U: Ingoton ni isi ni liat portibi on ma i, gabe mulak ma nasida tu Jahowa, jala marsomba tu jolom do sogot sude angka marga ni parbegu.

 

H: Ai Jahowa do nampuna harajaon, jala panggomgom di angka parbegu.

 

U: Mangan jala marsomba do sogot sude angka na gok na hum di tano on, marsinggang tu jolona do sogot sude angka na marsingkor ro di na mate gasing.

 

H: Sai adong do pinompar ni manisia, na mangoloi Ibana, angka na manaringoti Tuhan i tu pinompar na sogot.

 

U: Ro do angka nasida sogot, manjamitahon hatigoranna tu halak na tubu muse, paboa Ibana do pasunhon. I ma sahatna. Martua do angka na tumangihon hata ni Debata jala na umpeopsa.

U+H: Amen.

 

5) MARENDE BE HKBP NO. 435: 1 “MAROLOPOLOP TONDINGHI” BL.294

 

♫ Marolopolop tondinghi ai naung ditobus Jesus i

Hamu sude bege ma i, sai las rohanghu mandok i

Sonang ni tingki i, dung jumpang Jesus Tuhanhi

Tondi na mangajari au, tarbaen marlasniroha au

Sonang ni tingki i, dung jumpang Jesus Tuhanhi

 

6) KOOR PUNGUAN INA HANNA HKBP SOLAGRACIA CIBITUNG : Ro do Ahu Marsomba tu Jolo-M

 

7) TANGIANG PANGONDIAN

 

8) KOOR GABUNGAN INA HANNA SEDISTRIK : Di Nasa Langkaki

9) MARENDE BE HKBP NO. 564: 1+3 “LAS MA ROHANTA DI TUHANTA DEBATA

 

♫ Las ma rohanta di Tuhanta Debata Las ma rohanta di Tuhanta Debata

Las ma rohanta di Tuhanta Debata. Haroroan ni hagogoon i

 

♫ Pardenggan basa do Tuhanta Debata Pardenggan basa do Tuhanta Debata

Pardenggan basa do Tuhanta Debata. Pardengganbasa ma nang hita on

 

10) JAMITA/PHD: Pdt. Nikson Simangunsong, S.Th. 

(Pendeta HKBP Cibitung Resort Sola Gracia Cibitung)

 

11) MARENDE BE HKBP NO. 754: 1-3 ”GOK LAS NI ROHA DO AU” (Pasahaton Pelean)

 

♫ Gok las ni roha do au di ngolungkon Di ngolungkon, di ngolungkon

Gok las ni roha do au di ngolungkon, tongtong di rohangkon

Mauliate gok las ni roha, maringan holongMi Tuhan di au

Mauliate gok las ni roha, maringan holongMi Tuhan di au

 

♫ Mardame jala sonang do ngolungkon Di rohangkon, di rohangkon

Mardame jala sonang do ngolungkon, tongtong di rohangkon

Mauliate gok las ni roha, maringan holongMi Tuhan di au

Mauliate gok las ni roha, maringan holongMi Tuhan di au

 

---------- Musik ----------

 

♫ Gok do holong ni Jesus di ngolungkon Di ngolungkon, di ngolungkon

Gok do holong ni Jesus di ngolungkon, tongtong di rohangkon

Mauliate gok las ni roha, maringan holongMi Tuhan di au

Mauliate gok las ni roha, maringan holongMi Tuhan di au.

(Jongjong)

 

12) TANGIANG PELEAN - ALE AMANAMI - PASUPASU

13) WARTA IHD – RAMAH TAMAH

14) LATIHAN KOOR