PARTANGIANGAN WIJK PARPUDI DI TAON 2024 HKBP PERSADA SUKAJAYA

 PARTANGIANGAN WIJK PARPUDI DI TAON 2024

HKBP PERSADA SUKAJAYA RESORT SOLA GRACIA CIBITUNG

DISTRIK XIX BEKASI

                                                    Selasa, 18 Nopember 2024 Pukul 19.30 WIB

Topik Partangiangan: Ro di Salelenglelengna do Pamarentaon Dohot Harajaon ni Debata

Ev. Daniel 7: 9-14                  Ep. Pangungkapon 11: 15-19

 

 

01.     Marende BE. HKBP No. 6: 1-2 Puji Jahowa na Sangap (BL. 56) F=Do 3/4

 

1.       Puji Jahowa na sangap huhut marmulia.

Hamu sudena parroha na ringgas na ria.

Marpungu be, marolopolop sude hamu sude manisia.

 

… Jongjong …

 

2.     Puji Jahowa Sigomgom sude parluhutan.

Na manogihon ho songon niiring ni tangan.

Dohot hosam, songon hombar tu roham sai diramoti Ibana.

 

02.     Votum dohot Tangiang (U: Uluan; H: Huria; S: Sude) A.XX.B - D.XX.75

 

U:    Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, itapatupa ma Partangiangan Wijk na parpudi di taon 2024 di HKBP Cibitung. Songon duhutduhut do saluhut daging jala songon bungabunga ni duhutduhut i do saluhut hasangapon ni jolma. Nunga malos duhutduhut i jala nunga marurus bungabungana i, alai na hot do Hata ni Tuhan i ro di saleleng ni lelengna. Sai burju ma ho rasirasa mate, dung i lehononKu ma tu ho tumpal hangoluan. Haleluya!

       (Martangiang ma hita):

       Ale Tuhan Jesus, Tuhan ni angka na mate dohot angka na mangolu! Ho do nampuna hami, manang mangolu manang mate pe hami. Nang pe mardalan hami di rura nilinggoman ni hamatean, ndang huhabiari hami be hamatean, ai Ho do dongannami. Ndang tartiop hamatean manang tanoman be hami, ai Ho do Tuhannami naung humophop hami, jala Ho nampuna hami. Ro hami nuaeng tu Ho mangido: Sahat tu Ho ma tondinami dohot dagingnami, asa di Ho hami manang na mangolu manang na mate pe. Sai tiop ma tangannami, urupi hami marhitehite panghophopMi, asa sahat hami tu hangoluan na so ra suda.

 

H:   Ro hami nuaeng tu Ho mangido: Sahat tu Ho ma tondinami dohot dagingnami, asa di Ho hami manang na mangolu manang na mate pe.

 

U:    Sai tiop ma tangannami, urupi hami marhitehite panghophopMi, asa sahat hami tu hangoluan na so ra suda.

 

S:    Amen. (Hundul)

 

03.     Koor:

 

04.     Marende BE. HKBP No. 432: 1 Sian Hurungan ni Dosangki (BL. 292) As=Do 6/4

 

1.      Sian hurungan ni dosangki ro au tu Ho, ro au tu Ho.

Tu haluaon di mudarMi, Jesus au ro tu Ho.

Nasa rohangku malum hipas, gabe mamora nang pe pogos.

Sian jeangku ro au tu Ho, Jesus au ro tu Ho.

 

05.     Renungan Pangkirimon di Pangaramotion ni Debata

 

L:      Hamu huria ni Tuhanta, na mangolu do hita di partingkian na gok ondamondam parmaraan, na mambahen hita gok biar. Mangadopi sude angka na masa i, dohononta ma:

 

H:     Ale Tuhan, asi ma rohaM, dongani jala ramoti hami huriaM!

 

L:      Ondamondam bencana alam, sipanganon na lam arga, gok bahan pengawet mambahen sahit. Parkarejoan lam maol dapot, biaya hidup dohot biaya parsikolaan ni anakhon lam arga.

 

H:     Ale Tuhan, asi ma rohaM, patau hami huriaM manghamonanghon saluhutna i!

 

L:      Ndada holan i tahe; hatahuton, ganggu dohot biar ni roha ala pangalaho masa, na muramura jolma i mangagohon hosa ni donganna jolma. Ala impolan di arta portibi, impolan di sere, impolan di perak, parhata manggang, parroha haginjangon, angka panginsahi, na so mangoloi natorasna, na so marningot lagu, angka na tois; angka na so marroha holong, pangoseose, panihasnihasi, na so umboto mangorom, parmurukmuruk, na so marholong ni roha di na denggan; angka parjehe, parroha na neang, sipaburnang diri, holongan di hisap ni daging asa di Debata.

 

H:     Ale Tuhan, asi ma rohaM, palua ruas ni huriaM!

             (Mangendehon) BE HKBP No. 165: 3 Na Basa do RohaM di Au (BL19) D=Do 4/4

 

       O Tuhan hutopoti ma luhutna dosangki

       Asi rohaM sai sesa ma di Ho ma tondingki.

 

L:      Ita ingotma hata ni Tuhan i: “Unang mabiar hamu!”, hombar tu hataNa, ndang pasombuonNa hita huriaNa.

 

H:     Mauliate ma ale Tuhan, di sude denggan basaM dohot panoguonMu.

 

L:      Lam marsadaroha ma sude ruas di huria laho patupahon angka na denggan di tongatonga ni huria dohot tu bangso Indonesia on, lumobi tahe di parngoluon on. Patupahon kepedulian sosial di masyarakat.

 

H:     Mauliate ma ale Tuhan, di sude denggan basaM dohot panoguonMu.

 

L:      Asa lam tarida tumpak na denggan sian ruas ni huria i di na patuduhon haporseaonna na togu di ngoluna. Marsada roha ma sude ruas laho patupahon ulaon na mambahen las ni roha di tongatonga ni huria i. I do dihalomohon Debata!

 

H:     Mauliate ma ale Tuhan, di sude denggan basaM dohot panoguonMu. Pargogoi jala tongtong pasupasu ma ruas ni huriaM i.

 

L+H: Amen!

 

06.     KOOR:

 

07.     MANJAHA HATA NI DEBATA: Daniel 7: 9-14

 

U:    Tabege ma Hata Ni Debata turpuk di ari Minggu on Sijahaonta marsorinsorin di Partangiangan on Buku Panurirang Daniel 7: 9-14. Itajaha ma marsorinsorin. Sai hupanotnoti do i paima dipajongjong angka habangsa, jala hundul tusi ibana na so suda arina. Ia pangkeanna saksak do songon itak, jala obuk ni uluna, songon hapas na binusur, ia habangsana songon jillamjillam ni api, jala angka rodana songon api na marnalanala.

 

H:   Ruar do sada sunge api, jala mabaor sian adopanna marriburibu angka na marsomba tu ibana, jala marloksaloksa tindang di jolona marhaladoi. Dung i tarpansang ma loloan jala tarbungka angka buku.

 

U:    Jadi sai hupanotnoti ma gumodang alani soara ni angka hata na jungkat, angka na hinatahon ni tanduki; sai hubereng i paima tarbunu binatang i, jala pidom pamatangna, jala dipasahat asa purunon tu api.

 

H:   Jala tarrampas huhut parenta sian binatang angka na tinggal i, ai nunga dibuhul tingki dohot jom ni ajalnasida.

 

U:    Dung i huida muse di bagasan angka pangungkapon borngin, gabe ida ma, ro sahalak marhitehite ombun di langit i, songon anak ni jolma, jala sahat ibana tu ibana na so suda arina, jala tarboan ibana tu jolona.

 

H:   Jala dibasabasahon ma tu ibana pamarentaon dohot hamuliaon dohot harajaon, jala saluhut bangso, houm dohot halak parpangkuling marragamragam marsomba tu ibana. Ro di salelenglelengna do pamarentaonna, na so tupa munsat sian ibana, harajaonna pe na so tupa pesan do.

 

 

U:    I ma sahatna. Martua do angka na tumangihon Hata ni Debata, jala na umpeopsa.

 

S:    Amen.

 

08.     Koor:

 

09.     Tangiang Pangondian

 

10.            Koor:

11.     Marende BE. HKBP No. 240: 1-2 O Hamuna na Porsea (BL.222) C=Do 4/4

 

1.       O hamuna na porsea, sai tong hamu mangalo jea, utian ni pangago i.

Hata ni Debatamuna ma baen hamu sinjatamuna, ndang talu be hamu disi.

Bisuk pe musu i, ditanda rohami, jou ma Jesus.

Sai monang do baenonna ho, alai musunta talu do.

 

2.       Sai paias rohamuna, huhut sai alo hisapmuna, ai halak Kristen do hamu.

Sai papos ma rohamuna di Tuhan Jesus Rajamuna, ai urupanNa do hamu.

Naeng suda pe gogom, sai tatap sambulom na di ginjang.

Sonang disi tondinta i, dung sahat hita ro disi.

 

12.     Jamita: Pangungkapon 11: 15-19

 

11:15 Dung i dipalu surusuruan na papituhon ma sarunena; jadi masa ma soara na gogo di banua ginjang, angka dipandok: Nunga sahat tu Tuhanta i dohot tu Kristusna i harajaon ni hasiangan on; bangkit Raja ma Ibana ro di salelenglelengna!

11:16 Ia sintua na duapulu opat na di adopan ni Debata, angka na masihunduli habangsana be, dipatungkap ma bohinasida huhut disomba ma Debata.

11:17 Ninna nasida ma: Na mandok mauliate do hami tu Ho, ale Tuhan Debata, Sigomgom saluhutna, na mangolu nuaeng nang najolo, ala naung dialithon Ho hagogoonmu na balga i, jala ala naung bangkit Raja Ho!

11:18 Nunga tarrimas angka bangso, gabe ro ma rimasmu, dapot ma tingki ni angka naung mate asa niuhuman, huhut mangalehon upa tu angka naposom, i ma angka panurirang i dohot angka na badia, angka na mangkabiari Goarmu, angka na metmet ro di angka na balga, huhut mangago angka na mangago tano i.

11:19 Dung i tarungkap ma joro ni Debata na di banua ginjang i, gabe tarida ma poti parpadananna di jorona i, jadi masa ma angka hilap dohot soara, ronggur dohot lalo, nang ambolas na balga.

 

13.     Marende BE. HKBP No. 251: 1… Na Monang i (BL.138) Es=Do 3/4

(Papungu Pelean)

 

1.         Na monang i do na muse manganhon parbue ni hau hangoluan i.

Ndang jadi idaonna hamagoan, nang hamatean paduahon i.

Ai Debata na papos rohana, mambaen langkana tongtong tiur;

Mambaen langkana tongtong tiur.

 

2.         Na monang i ndang tupa hahuaon ni hamatean paduahon i.

Sai jongjong do ibana maradophon bohingKu di banua ginjang i.

Sai idaonna muse Tuhanna, :,: ro di donganna na monang i.

Ro di donganna na monang i.

 

… Musik …

 

3.         Na monang i do lehononhu mangan di surgo manna na buni dope.

Pangalahona do tongtong ingoton, margoar na imbaru do muse.

Na sinurathon tu batu intan, :,: tongtong martua panjalo i.

Tongtong martua panjalo i.

 

4.         Na monang i marnida pambaenanHu, i do na marmahani bangso i.

PasahatonHu deba sahalangKu tu tangan ni sude na monang i.

Sai rosahanna muse alona, :,: patunduhonna do musungKi.

Patunduhonna do musungKi.

 

14.     Tangiang Pelean – Pasupasu

 

H:   (Mangendehon) Amen, amen, amen.

 

15.     Masijalangan

 

16.  RAMAH TAMAH