MINGGU XXV DUNG TRINITATIS, 17 NOVEMBER 2024

 ACARA PARMINGGUON

PESTA GOTILON

HKBP CIBITUNG RESORT SOLA GRACIA CIBITUNG

DISTRIK XIX BEKASI

Minggu XXV Dung Trinitatis, 17 Nopember 2024

Pukul 09.00 WIB

ORANG YANG BERTAHAN SAMPAI AKHIR AKAN SELAMAT

Matius 24: 9-14

 

Pada tahun 155 Masehi, seorang yang bernama Policarpus menjabat sebagai Uskup di kota Smirna. Ia dikenal dengan perlawanannya kepada ajaran-ajaran sesat dan menyimpang dari kekristenan. Penguasa Romawi menangkapnya karena dianggap melawan kekaisaran. Ketika di pengadilan, ia diberi dua pilihan menyangkal Yesus dia dibiarkan hidup, tetap setia kepada Yesus diganjar hukuman mati. Policarpus menjawab “86 tahun aku melayani Yesus sekalipun ia tidak pernah berbuat salah kepadaku, bagaimana mungkin aku mengutuk dan menghujat Yesus Kristus, Juruselamatku?” Lalu penguasa Romawi membakar hidup-hidup Policarpus. Kesetiaannya kepada Yesus tidak tergoyahkan. Kesetiaan kepada Yesus Kristus dengan mengorbankan nyawaNya.

Ketika Yesus bersama muridNya di Bukit Zaitun, Ia menasihati murid-muridNya supaya tetap waspada dan berjaga-jaga, karena akhir zaman sudah dekat dan masa itu ditandai dengan bangkitnya para pembenci Yesus dan akan menyiksa orang-orang yang percaya kepadanya (Ay.9). Juga akan bangkit para penyesat yang membawa kepada kejahatan sehingga kejahatan akan merajalela bahkan tidak ada lagi kasih diantara semua manusia (Ay.11). Juga aka nada deru perang, bangsa akan bangkit melawan bangsa dan penderitaan, kelaparan akan ada di berbagai tempat menambah kesengsaraan seluruh umat manusia. Keadaannya sangat mengerikan sehingga banyak orang akan meninggalkan Tuhan.

Apa yang Yesus katakan ini benar-benar sudah terjadi. Banyak orang-orang yang membenci pengikut Kristus, melarang GerejaNya, berusaha menutup GerejaNya. Bahkan menganiaya hingga membunuh para pengikut Kristus.

Perang dengan segala dampaknya pastilah memilukan. Banyak orang dan harta benda menjadi korban. Dalam keadaan sedemikian kasih semakin dingin, hubungan suami istri dan anak terganggu, Sungguh semua kejadian itu menjelaskan bahwa dunia ini dipenuhi dengan kejahatan dan dosa. Dan ancaman semakin intens seperti tak terbendung. Apakah kita masih bertahan menjadi pengikut Kristus sejati? Tentu! Kita harus tetap bertahan sampai akhir. Jangan seorang pun dari kita kehilangan identitas, kehilangan iman percaya kepada Yesus. Jangan! Martin Luther berkata “Sekalipun saya tahu bahwa besok dunia ini hancur berkeping-keping, saya akan tetap menanam pohon apel dan melunasi hutang-hutang saya.” Marthin Luther menegaskan, sekalipun dunia ini akan hancur, kekacauan dan kejahatan merajalela, dan kalaupun akhir zaman tiba ia akan tetap bertahan sebagai pengikut Kristus sejati dan melakukan yang terbaik untuk melayani Kristus. Bagaimana dengan kita? Mari tetap setia menunjukkan kualitas hidup beriman kita kepada Kristus, dalam situasi yang baik atau situasi buruk sekali pun. Orang yang bertahan sampai akhir akan selamat. Bertahanlah dalam imanmu kepada Kristus (Why 2:10c). Amin. -MHO-

 

 

 

 

 

 

 

 

 

 

 

 

 

 

 

 

 

 

Na Manahan Ro Di Ujung, I Do PaluaonNa

Orang yang Bertahan Sampai Akhir Akan Selamat

 

(Mateus 24: 9-14)

 

 

Kampung Utan RT 02 RW 09 No. 90

Kelurahan Wanasari Cibitung 17520

Bekasi

ACARA PARMINGGUON PESTA GOTILON

(INKULTURATIF)

HKBP CIBITUNG RESORT SOLA GRACIA CIBITUNG

DISTRIK XIX BEKASI

Minggu XXV Dung Trinitatis, 17 Nopember 2024

 

I.     IBADAH (U: Uluan; L: Paragenda; H: Huria; SL. Song Leader; Pdt: Pandita)

 

1.       PROSESI

·      Parhobas mamasuhi Acara Parmingguon diiringi Song Leader BE. HKBP No. 652: 1-2 Ihot ma Hami (BL 652) F=Do 6/8 (Holan SL: Song Leader)

·      Barisan Prosesi: Simbol-simbol hakristenon:

 

1.       Lilin: Ninna Tuhan Jesus: Ahu do Panondang ni portibi on. Na so tupa mardalan di na holom na mangihuthon Ahu; di ibana do tahe Panondang hangoluan. (Johannes 8: 12).

2.       Bibel: Hatam I do sulusulu ni pathu jala hatiuron di dalanku. (Psalmen 119: 105).

3.       Salib: Nasa na giot mangihuthon Ahu, disoadahon ma dirina, dituhuk ma silang na tu ibana i, diihuthon ma Ahu. (Markus 8: 34).

4.       Parbue: Dung i ninna Debata ma: Boti ma i, nunga hulehon tu hamu nasa suansuanan na marparbuehon boni di sandok tano on, ro di sude hau angka na marparbue sisuanon, bahen panganonmuna ma i. (1 Musa 1: 29).

5.       Uluan ni Huria, Pandita Fungsional, Panitia Inti, Sintua, Dewan Kononia, Dewan Diakonia, Dewan Marturia, Utusan Guru Sikola Minggu: Prosesi diiringi/disambut Tortor jala marbaris ma di jolo mangadop ruas.

 

Protokol:     Di hamu, huria ni Tuhanta na hinaholongan ni Tuhanta Jesus Kristus! Jongjong ma hamu saluhutna laho manomunomu barisan Prosesi.

 

Pandita:       Gok di Jahowa do tano on ro di isina, portibi on dohot pangisina.

 

Sude ruas:  Ai Ibana do paojakkonsa di atas ni angka laut, jala dipahot di atas ni angka batang aek.

Pandita:       Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonna i?

 

Sude ruas:  Halak partangan na lidang dohot na ias roha, parroha na so paihuthon na so hasea, jala na so olo margana laho mangansi.

 

Pandita:       I ma halak na maruli pasupasu sian Jahowa, dohot hatigoran sian Debata ni hatuaonna i.

 

Sude ruas:  I ma sundut ni angka na usouso di Ibana, angka na mangalului bohim, Jakkob.

 

Pandita:       Patuginjang ma tohangmuna, hamu ale angka harbangan, patuginjang ma hamu, ale angka pintu sian na robi, asa bongot Raja ni hamuliaon!

 

Sude ruas:  Ise ulaning Raja ni hamuliaon i? I ma Jahowa, na gogo jala Ulubalang, Jahowa Ulubalang di hamusuon.

 

Pandita:       Patuginjang ma tohangmuna, hamu ale angka harbangan, jala patuginjang ma hamu, ale angka pintu sian na robi, asa bongot Raja ni hamuliaon i!

 

Sude ruas:  Ise ulaning Ibana, Raja ni hamuliaon i? I ma Jahowa Zebaot, Ibana do Raja ni hamuliaon i.

 

Pandita:       Molo so Jahowa paulihon bagas, loja sambing do angka na mamandei; molo so Jahowa marhal huta i, ndang marniula hadudungo ni parhal.

 

Pdt+Sude ruas:  Ale Jahowa, huhaholongi do hajongjongan ni bagasmu dohot hasonggopan ni hamuliaonmu.

 

Dung dijalo Pandita simbol-simbol ibadah:

 

U:   Huria ni Debata na hinaholongan ni Tuhanta Jesus Kristus, hami saluhut Parhalado, dohot Panitia Pesta Gotilon HKBP Cibitung Taon 2024, pasahathon tabe ma tu hamu ruas ni huria ni Tuhanta: Asi ni roha ma di hamu, jala dame na sian Tuhanta, i ma na mangaramoti hita saluhutna. Di manogot ni ari on tung tama do hita mandok mauliate tu Debata, ala saluhut asi ni rohaNa, pandonganion dohot pangaramotionNa di pardalanan ni ngolunta huriaNa. Patupaonta ma di tingki on Pesta Gotilon Taon 2024 HKBP Cibitung.

 

H:   Tapuji ma Tuhanta, itahamauliatehon ma denggan ni basaNa.

 

U:   Beta ma hita nangkok tu Betel, asa tapauli disi sada langgatan di Debata, na mangalusi hita di ari hagogotanta, jala mandongani hita di dalan na itadalani i.

 

H:   Martua ma angka na mangingani bagasMu ale Debata, sai Ho do pujionnasida.

 

U:    Di pesta Gotilon on, laos hamauliatehononta do Taon Oikumene Inklusif 2024 HKBP naung itahalashon. Antong parjolo ma jolo husisehami hamu sude ruas Ama. Husise hami ma hamu sude Ama, ruas ni huria i:

 

Sude Ama:                   Gabe Pasupasu!

 

U:                                 Sude Parompuan

 

Sude Parompuan:         Gabe Pasupasu!

 

 

U:                                 Sude Dolidoli

 

Sude Dolidoli:             Gabe Pasupasu!

 

U:                                 Sude Sikola Minggu

 

Sude Dolidoli:             Gabe Pasupasu!

 

U:                                Sude Parhalado

 

Sude Parhalado:          Gabe Pasupasu!

 

U:                                Maradu saluhutna ma hamu ruas ni huria ni Tuhanta!

 

Sasudena:                    Gabe Pasupasu!

 

U:    Nunga marumur 33 taon HKBP Cibitung di 20 Mei 2024 on, Resort Sola Gracia Cibitung 9 taon di ari 08 Maret 2024. Di ari Jumat, 30 Agustus 2024 dipamasa HKBP Cibitung Renovasi Gedung Gareja, songon naung itaingani sadari on. Mauliate ma di Tuhan i. Mauliate ma di angka panungganei humaliang huta Cibitung Sekitarna. Mauliate ma di Panitia Pembangunan. Tulus renovasi Gareja HKBP Cibitung. Mauliate ma di saluhut Parhalado ni huria dohot saluhutna ruas ni huria na marsada roha manumpahi ulaon i. Dipasupasu Tuhanta do huriaNa, dipanghobasionNa, tu angka Sikola Minggu, Remaja Bajarbajar, Naposobulung, Ama, Ina, ompung doli ompung boru di huriaNa. Antong di las ni rohanta manghamauliatehon denggan ni basaNa, taendehon ma “Puji ma Debata na Songkal”

 

Mangendehon BE. HKBP No. 575: 1 Puji ma Debata na Songkal (BL.575) Bes=Do 4/4

 

Puji ma Debata na songkal, pasangap ma goarNa.

Puji ma, angka rura dohot lung, angka dolok na timbo

Dohot hasak ni galumbang sude mamuji Ho.

Langit i na mansai hembang, bintang i na mansai torang,

Ombun i na mansai saksak pasangaphon Ho, o Debata.

Tung so olo tading au, lao mamuji Ho Tuhan.

Nasa gogo bahenonhu lao pasangaphon Ho.

Ro di ujung ni ngolungku sai pujionhu Ho.

 

U:   Saluhutna i tung asi ni roha ni Debata do i tu hita. Ala nii tapuji ma Tuhanta jala tasomba ma Ibana, taendehon ma “Somba ma Jahowa” (PANDITA DOHOT SUDE PARHALADO, PANITIA MASIBUAT HUNDULANNA BE; SUDE RUAS HUNDUL). Song Leader mangendehon BE. HKBP No. 585:1 Somba ma Jahowa (BL.585) G=Do 4/4

 

SL:  (Mangendehon:) 

Somba ma Jahowa Debatanta, amen haleluya
Sigomgom langit, tano on, ro di isina, amen haleluya
Beta hita lao marsinggang tu joloNa, amen haleluya
Na songkal jala na badia do Jahowa, amen haleluya
Endehon amen haleluya, endehon amen haleluya
Endehon amen haleluya, endehon amen haleluya.

 

U:    Tung na so tarasam hita do balga ni holong ni roha ni Debata, di ngolunta, jala tung so hasuhatan do denggan ni basaNa. Nuaeng marpungu do hita di Gareja on, patupahon Pesta Gotilon, manghalashon pasupasu ni Debata na itajalo. Didok hata ni Debata di buku Psalmen 150: Puji hamu ma Ibana mardongan soara ni Sarune, puji hamu ma Ibana mardongan Arbab dohot Sordam. Puji hamu ma Jahowa mardongan tali sajak dohot panortoron na marliat, puji hamu ma Ibana mardongan Hasapi dohot Tulila. Puji hamu ma Ibana mardongan Ogung Panggora, puji hamu ma Ibana mardongan Ogung Panonggahi! Antong tapuji ma Tuhanta marhite ende “Puji ma Jahowa Debatanta”, laos jongjong ma hamu saluhutna!

 

H:   (Mangendehon BE. HKBP No. 585: 2 Somba ma Jahowa G=Do 4/4)

 

Puji ma Jahowa Debatanta, amen haleluya
Parasiroha na sumurung do Ibana, amen haleluya
Taendehon ma goar ni Debatanta, amen haleluya
Ala ni denggan ni basaNa na tu hita, amen haleluya
Endehon amen haleluya, endehon amen haleluya
Endehon amen haleluya, endehon amen haleluya.

 

2. MARSOMBA TU DEBATA

 

L:    Na marpungu do hita ruas ni HKBP Cibitung, marlas ni roha, marriaria jala marolopolop manghalashon dengganbasa ni Jahowa di pestanta sadari on. Ibana do mual ni pasupasu di ngolunta. Nuaeng pe pataridahononta ma parsombaonta, panindangionta, dohot las ni rohanta di pasupasu ni Jahowa naung itajalo, marhitehite hamoraon budaya habatakonta na nilehon ni Debata tu hita bangso Batak. Antong amang Parmusiknami: “Alualuhon ma jolo tu Debata Ama, na manompa langit dohot tano on, dohot nasa isina, i ma Tuhan Debata Jahowa, Debata Ama na hutanda hami di bagasan goar ni AnakNa Jesus Kristus.”

 

Msk:    Mangalusi

 

U:   “Alualuhon ma tu Tuhan Jesus Kristus, Anak ni Debata na sasada i, na paluahon hita huriaNa sian dosa dohot hamatean marhite mudarNa na badia i.”

 

Msk:    Mangalusi

 

U:   “Alualuhon ma tu Tondi Porbadia na ruar sian Ama i dohot sian AnakNa Tuhan Jesus Kristus, na pajongjong huriaNa na badia i.”

 

Msk:    Mangalusi

 

U:    On pe Pandenami, na marmula do nasa na adong, jala Debata do na manompa angka i saluhutna! Nuaeng bahen damang ma jolo Gondang Mulamula laos padomu ma dohot Gondang Sombasomba i, asa jumolo marsomba huria i tu jolo ni Tuhan, Debata Jahowa na sasada i, na tumompa langit dohot tano on, dohot tu AnakNa Tuhan Jesus Kristus naung mate humophop hita jala mulak mangolu, dohot tu Tondi Parbadia na mangalehon hasesaan ni dosa, las ni roha dohot ngolu na imbaru na so ra suda i.

 

(Manortor ruas di ingananna be: Tortor Sombasomba).

 

U:    Nunga husomba hami be Tuhan Debata Jahowa marhite urdot ni tangan, simanjujung, dohot unduk ni roha. Nuaeng pe Pandenami, naeng liathononnami ma barita ni Jesus Kristus Sipalua silehon pasupasu, songon panindangionnami tu portibi on, alanii: Bahen damang ma Gondang Liatliat i, asa liat hami manghalashon jala manghamauliatehon pasupasu ni Debata, asa liat hami mangolophon hangoluan naung pinatupa ni Tuhan Jesus i, asa liat hami mamaritahon Barita na Uli jala patupahon ulaon asi ni roha, asa hot hahorasan, hot las ni roha, hot hadameon, hot hasonangan di huria dohot bangsonta.

 

(Manortor ruas di ingananna be na gabe songon Tortor Liatliat).

 

U:    Pinuji ma Tuhan i na mangalehon haluaon marhitehite Jesus Kristus. Di Ibana ma hasangapon, hamuliaon, dohot pujipujian ro di salelenglelengna. Antong “Pandenami, bahen damang ma gondang Sitiotio i, asa tio ulaon on jala parngoluoni, torang pingkiran, pita haporseaonnami jala polin holong ni roha. Laos padomu ma dohot gondang hasahatan, ai nunga sahat ditongos Tuhan i denggan basaNa di bagasan Jesus Kristus, marhite i ma sahat di hita hahorason, hadameon dohot hangoluan na imbaru…”

 

(Manortor ruas di ingananna be: Tortor Sitiotio dohot Hasahatan)

 

U:   Tu hita ruas ni huria ni Tuhan i, saluhut na liat na lolo! Itapataridahon jala itapatuduhon ma las ni rohanta tu Debata. Itapuji ma Ibana, marhite ma hita “Sangap di Jahowa Debatanta”

 

H:   (Mangendehon BE. HKBP No. 585: 3 Somba ma Jahowa G=Do)

 

       Sangap di Jahowa Debatanta, amen haleluya
Na bonar jala marmulia do Jahowa, amen haleluya
Tapatimbul ma goar ni Debatanta, amen haleluya
Na tigor jala na sun gogo salelengna, amen haleluya
Endehon amen haleluya, endehon amen haleluya
Endehon amen haleluya, endehon amen haleluya.

 

 

 

3. VOTUM – INTROITUS – TANGIANG

 

L:         Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot Tano on.

 

L+H:   Amen.

 

L:         Gok di Jahowa do tano on ro di isina, portibi on dohot pangisina.

 

H:        Ai Ibana do paojakhonsa di atas ni angka laut, jala dipahot di atas ni angka batang aek.

 

L:         Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonNa i?

 

H:        Halak partangan na lidang dohot na ias roha.

 

L:         I ma halak na maruli pasupasu sian Jahowa, dohot hatigoran sian Debata ni hatuaonna i. Haleluya!

 

H:        (Mangendehon): BE HKBP No. 852 Haleluya (3x) F=Do 4/4)

Haleluya, haleluya, haleluya!

 

L:         (Martangiang ma hita): Ale Tuhan Debata, Amanami na di banua ginjang! Ho do haroroan ni sude dengganbasa na marragamragam i. Alani pasupasuM do umbahen marparbue sude na niula ni tangannami, jala diparmudu Ho do hami na tinompaM, asa unang rapar. Sian tanganMu do sude hujalo hami, nasa na denggan tu dagingnami dohot tu tondinami, jala asi ni rohaM do na mangaramoti hami. Mauliate ma rohanami di Ho. Pasupasu ma hami sadari on manghalashon dohot patupahon Pesta Gotilon on. On pe, sai jalo ma hamauliateon ni rohanami. Angkup ni i, sai lehon ma TondiM tu hami, na mamuhai dohot patiurhon mata ni rohanami, asa lam huida hami sude na denggan, sude na uli na pinatongonMi tu hami, asa lam ringgas rohanami mamuji dohot pasangaphon Ho marhitehite Tuhan Jesus Kristus, Tuhannami. Amen. (hundul).

 

4. MARENDE BE. HKBP No. 214: 1+3 Sonang di Lambung Jesus (BL161) F=Do 4/4

 

1.       Sonang di lambung Jesus, sonang na ro tu si.
Unang be ho mabiar, lao mandapothon i.
Tongtong dijouhon Jesus, sai ro ma ho tu Au,
Tadingkon haholomon, jala haposi Au.
Sonang di lambung Jesus, sonang na ro tu si.
Unang be ho mabiar, lao mandapothon i.

 

3.    Jesus haholonganku Jesus haposanki.
Saleleng au mangolu dohot di tingkingki.
Ndang be huhabiari angka pangago i. 
Ai diramoti Jesus au hinophopNa i.
Jesus haholonganku Jesus haposanki.
Saleleng au mangolu dohot di tingkingki.

 

5. PATIK NI DEBATA

           

L:    Didok hata ni umpama: Tinallik bulung Sihupi, pinarsaong bulung Siala: Unang sumulsol di pudi, ndada sipaingot na soada. Antong tangihon hamu ma Patik ni Debata di Minggu sadari on, i ma na tarsurat di Barita Na Uli na Sinurat ni si Mateus 22: 37-40 Jadi didok Jesus ma: “Sihaholonganmu do Tuhan Debatam sian nasa ateatem, sian nasa hosam dohot sian nasa roham!”

 

H:   I do patik raya jala parjolo.

 

L:    Alai dos do arga ni na paduahon on:“Sihaholonganmu do donganmi doshon dirim!”

 

H:   Patik na dua on do mangkangkam nasa patik dohot hata ni panurirang.

 

L:    Antong nunga dibege hamu patik ni Debata asa tahaholongi Tuhan Debata dohot dongan jolma, nuaeng pe songon na nidok di hata ni umpasa ma dohononku: “Aek marjullakjullak, marjullakjullak sian batu; patik na uli, na marulakulak, ampu hamu ma di bagasan ateate dohot tondimuna.”

 

H:   “Turtu ma ninna Anduhur, tioma ninna Lote: Patik nauli hata ni Debata, huampu hami ma di bagasan ateate dohot tondinami jala huboan hami tu tonga ni jabu.”

 

L:    Antong rap mangido gogo ma hita laho mangulahon patikNa!

 

H:   Ale Tuhan Debata! Sai pargogoi ma hami mangulahon na hombar tu PatikMi. Amen.

 

6. MARENDE BE. HKBP No. 688: 1-2 Tuhan (BL.688) As=Do 4/4

 

 

1.       Tuhan jotjot do marsak donganhi ala na sala pambahenanhi.

Hatangku, langka nang parulanhi; jora ma au. 

 

… Jongjong …

 

2.       Panghulinghi pe tupa so une, mambaen jut roha ni donganhu pe.

Pingkiran, hata na hurang ture; jora ma au.

 

7. PANOPOTION NI DOSA DOHOT HASESAAN NI DOSA

 

L:      Didok angka natuatua: Rupa do dang boi muba, alai pangalaho boi do tarpauba. “Habang Binsakbinsak, Sirubaruba dohot Ambaroba. Sai unang jolo hita hona insak, asa pinauba roha.” Ringkot do na mananda diri. “Hututu Napurangku, huisap timbahongku, hutilik do rupangku, huboto pangalahongku.” Alani i di bagasan unduk dohot serep ni rohanta, martangiang ma hita di bagasan rohanta be.

 

(… tingki na hohom… musik mangendehon BE. HKBP No. 683: 1 Es=Do 4/4)

 

L:      Huria ni Debata na hinaholongan ni Kristus. Di bagasan unduk dohot serep ni roha, Tatopoti ma dosanta!

 

(… tingki na hohom… musik mangendehon BE. HKBP No. 683: 1 Es=Do 4/4)

 

L:      Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosanami na godang i. Tung mansai jotjot do hami manirpang sian dalanMu, ndang mangulahon lomo ni rohaM. Unang ma pabali hami sian adopanMu ale Jahowa, ala ni dosa dohot hajahatonnami. Alai marpamuati ma rohaM di hami. Nuaeng ro hami tu joloM mangido asi ni rohaM: Sai sesa ma sude dosanami jala unang paingotingot sude dosanami na godang i.

 

H:     Ale Tuhan, asi ma roham sai sesa ma dosanami!

 

L:      Huria ni Tuhan Jesus Kristus naung manopoti dosa, nuaeng tabege ma hata bagabaga ni Debata, taringot tu hasesaan ni dosa: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na di Ginjang!

 

H:     Amen. (hundul)

 

8. MARENDE BE HKBP No. 857: 1-2 Husomba Ho Tuhan (BL.857) As=Do 4/4

 

 

1.  Husomba Ho Tuhan tangihon au!
Sangkapmu ma tongtong pasaut tu au
Ajari rohangki, manghaholongi Ho
Sai lam gandai holong tu Ho 

 

2.  Husomba Ho Tuhan, tangihon au
Mandate tondingki, sungguli au
Ajari rohangki, manghaholongi Ho
Sai lam gandai holong tu Ho.

 

9. MANJAHA HATA NI DEBATA: 1 Samuel 2: 1-10

 

L:    Tabege ma Hata ni Debata turpuk ni ari Minggu on, sian Buku 1 Samuel 2: 1-10. Itajaha ma marsorinsorin: Dung i martangiang ma si Hanna, ninna ma: Marolopolop ma rohangku mida Jahowa, timbul do tandukku di bagasan Jahowa, na hirtap situtu do pamanganku dompak angka musungku, umbahen na las rohangku di pangurupionmi.

 

H:   Ndang adong na badia, tudoshon Jahowa, ai ndang adong dungkon ni Ho, jala ndang adong partanobatoan, dungkon ni Debatangku.

 

L:    Unang sai datdati hamu manenganengahon haginjangon, unang ruar hata jungkat sian pamanganmuna, ai Jahowa do, Debata nampuna angka parbinotoan, jala Ibana dumasing angka pambahenan.

 

H:   Marponggolan do sior ni ulubalang, jala marhohos hatogaron do angka naung mandate.

 

L:    Angka na lobian na sai laon laho do mansari sipanganon, jala angka na rapar hian marlanggelangge; pola tubuan anak pitu na hol hian, jala merus boti sitorop anak hian.

 

H:   Jahowa do na mamunu dohot na pangoluhon; Ibana patuathon tu banua toru dohot panangkokkon muse.

 

L:    Jahowa do na mambahen pogos dohot mambahen mamora; Ibana do paijurhon, laos Ibana patimbulhon muse.

 

H:   Ibana pahehehon sian orbuk halak na tarjepol hian, jala dipatimbul na pogos i sian gambo laho pahundulhon tu lambung ni angka na sangap, jala diturpukkon habangsa hamuliaon tu nasida, ai Jahowa do nampuna angka ojahan ni tano on, jala dipaojak di atasna hasiangan on.

 

L:    Sai na ramotanNa do pat ni angka na niasianna, alai sai parendeponNa do di bagasan haholomon ianggo angka parjahat i, ai ndada binahen ni hagogoon sandiri marhuaso baoa.

 

H:   Sai na tunduk do bahenon ni Jahowa halak angka na mangalo Ibana; mangkuling ronggurNa di banua ginjang di atas nasida; Jahowa manguhum angka ujung ni tano on sogot, jala lehononNa hamuliaon tu RajaNa, jala patimbulonNa sogot tanduk ni MessiasNa.

 

L:    I do sahatna. Martua ma na tumangihon hata ni Debata jala na umpeopsa.

 

L+H:    Amen!

 

10. MARENDE BE. HKBP No. 690: 1-2 Hibul Rohangku (BL.690) C=Do 4/4

 

1.  Hibul rohangku tu Tuhan Jesus 
Sude ngolungku di Tuhan Jesus
Ihuthononku do Tuhan Jesus 
Ndang olo au sumurut be

 

… Jongjong …

 

2.  Sai hutundalhon haportibion
Silang ni Kristus ma hudapothon
Sai hutundalhon haportibion
Ndang olo au sumurut be

 

11. MANGHATINDANGKON HAPORSEAON

 

L:    Didok hata ni umpama: “Ansimun sada holbung, Pege sangkarimpang; manimbung rap tu toru, mangangkat rap tu ginjang.” Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

 

H:   Ahu porsea… d.u (hundul)

 

12. TINGTING

 

13. MANDOK HATA:

 

1.  Ketua Panitia

2.  Sada Halak Sian Ruas ni Huria

3.  Ketua Panitia Pembangunan

4.  Sekben Resort

 

14. MARENDE BE. HKBP No. 392: 1… Sai Pasiat Tuhan Jesus (BL.261) C=Do 4/4 (Pasahathon Pelean Ia+Ib)

 

1.  Sai pasiat Tuhan Jesus tu bagasan roham i
Sai maimaima Jesus, bege panuktukNa i
Sai pasiat Tuhan Jesus, jangkon i tu roham i
Nunga tingki parasian, sotung jolo salpu i

 

 

2.  Hariburon na di tano sai ringgas di jangkon ho
Marisuang Tuhan Jesus sai dihagarishon ho
Sai pasiat Tuhan Jesus, jangkon i tu roham i
Nunga tingki parasian, sotung jolo salpu i

 

… Musik …

 

3.  Ai sadia leleng nari laos so putus roham i?
Unang toishon so tung salpu tingki parasian i
Sai pasiat Tuhan Jesus, jangkon i tu roham i
Nunga tingki parasian, sotung jolo salpu i

 

4.  Lehon ngolumi tu Jesus, ai hatop do salpu i
Sai pasiat ma Tuhanmu tu roham na loja i
Sai pasiat Tuhan Jesus, jangkon i tu roham i
Nunga tingki parasian, sotung jolo salpu i

 

… Musik …

 

 

15. JAMITA: Mateus 24: 9-14

           

9.       Dung i pasahatonna ma hamu tu haporsuhon, pola pusaonna do hamu, gabe hosoman ni bangso saluhutna hamu ala Goarhu.

10.   Jadi torop ma targasip di tingki i, gabe masijehean jala masihosoman ma.

11.   Dung i hehe ma lan panurirang pargapgap, mangaliluhon torop jolma.

12.   Jadi ala na lam rarat na so uhum, lam tu ngalina ma haholongon ni roha di jolma godangan.

13.   Alai na manahan ro di ujung, i do paluaonNa.

14.   Laos baritahononhon do Barita na Uli on na taringot tu harajaon i di liat portibi on, laho mangkatindangkonsa tu saluhutna bangso; dung pe i, asa ro ujungna. I ma sahatna.

 

16. MARENDE BE. HKBP No. 573: 1… Puji Jesus Sipalua (BL.573) G=Do 6/84; BE. HKBP No. 792: 1… Pasupasu Hami O Tuhan (BL.792) D=Do 4/2 (Pasahathon Pelean II di hundulan)

 

1.       Puji Jesus, puji Jesus Sipalua; langit, tano marolopolop ma.

Haleluya! Puji ma Tuhan Jahowa, tapasangap goar ni Debata.

Tuhan Jesus do marmahani hita arianna nang bodari pe.

Puji, hatindanghon ma hamuliaonNa, taendehon sangap di Debata.

 

2.       Puji Jesus, puji Jesus Sipalua; tapasangap ma Tuhan Debata.

Dolok batu sihirimon ni rohanta dipapatar di dolok Golgata.

Haleluya! Diapul do rohanta dibaen denggan basa ni Debata.

Puji, hatindanghon ma hamuliaonNa, taendehon sangap di Debata.

 

… Musik …

 

3.       Puji Jesus, puji Jesus Sipalua; Hosianna! Pangiar soaram.

HarajaonNa hot do ro di salelengna; Jesus Kristus Anak ni Debata.

Ai Ibana Raja ni angka raja, na sun gogo gumomgom tano on.

Puji, hatindanghon ma hamuliaonNa, taendehon sangap di Debata.

 

BE. HKBP No. 792: 1… Pasupasu Hami o Tuhan (BL.792) D=Do 4/2

 

1.       Pasupasu hami o Tuhan sai usehon dameM i
Sai ampehon tanganMi Tuhan lehon tu au gogoM i 
Di portibi on baen ma au Tuhan habaoran ni las ni roha
Tu na marsak i tu na dangol i gabe pangapuli i
Pasupasu hami o Tuhan…

 

2.       Di portibi on, baen ma au Tuhan monang maralohon dosa

Dibahen gogoM i talu musu i sibolis pangago i
Pasupasu hami o Tuhan …

 

… Musik …

 

3.       Di portibi on, baen ma au Tuhan, sipatupa hadameon,

Baen ma hataM i saor tu roha ni na masihosoman i
Pasupasu hami o Tuhan …

 

 

17. ACARA PESTA GOTILON

 

U:        Hamu ruas ni huria na hinaholongan ni Tuhanta Jesus Kristus! Nuaeng sahat ma hita tu patujolo ni acara Pesta Gotilon ni huria, laho manghalashon dohot manghamauliatehon denggan basa ni Jahowa. Di bagasan roha mauliate tu Debata, tapuji ma Ibana, taendehon ma “Mangula hita jolma”

 

H:        (mangendehon BE. HKBP No. 373:1-2 Mangula Hita Jolma (BL.219) As=Do 4/4)

 

1.   Mangula hita jolma manabur boni i,

Alai anggo jadina di Debata do i
Dilehon las ni ari, nang nambur udan pe
Tongtong di panumpakNa marguru sasude 
Nasa ulibasa ro sian Debata,

I pe Ibana pujima huhut haposi da

 

2.   Sai sian Debatanta do nasa na adong 
Nang rihit sangkamata, nang laut, nang tano on 
Tinompa ni hataNa, do hau nang bulung i
Nang nasa parbuena, nang bungabunga i 
Nasa ulibasa ro sian Debata,

I pe Ibana pujima huhut haposi da

 

U:        Hamu ruas ni huria ni Tuhanta! Nunga itajalo denggan basa dohot asi ni roha sian Jahowa Debata. Saluhutna silehonlehon na denggan, nasa ulibasa na mauliutus, i ma na ro sian ginjang. Dilehon do di hita parbue ni tano, parbue ni suansuanan dohot parbue ni angka ulaonta. Saluhutna i ita jalo sian Jahowa. Antong nda tama ma hita mandok maulite tu Debata?

 

H:        Mauliate ma di Ho Tuhan, naung mangalehon parbue ni angka ulaonnami.

 

U:        Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanom i, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di GoarNa. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanom i ganup taon.

 

H:        Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

 

U:        Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungKu, jala unjuni hamu Ahu taringot tusi, ninna Jahowa Zebaot, manang so ungkaponKu di hamu angka pandiloan ni langit, jala mangusehon tu hamu gabe maradu marlobilobi. Amen.

 

18. MANARUHON PELEAN PESTA GOTILON

 

 

U:   Nuaeng pasahatonta ma Pelean Pesta Gotilon, tumpakta tu huria ni Tuhanta Program Anggaran HKBP Cibitung Tahun 2024. Sian parbue ni panandaonta di pasupasu ni Debata naung itajalo di ngolunta be. Taingot ma: “Na manaburhon otik, otik do gotilonna, jala na manaburhon managam pasupasu, mangalap pasupasu di na manggotil. Ganup ma ni onjar ni rohana, unang ma sian muruk manang sian na so tarjua, ai dihaholongi Debata do na las roha mangalehon.”

 

H:   I do tutu. Na manaburhon managam pasupasu jala mangalap pasupasu di na manggotil. Ro do hami manaruhon ganup ni onjar ni rohanami.

 

U:   On pe Huria ni Tuhanta! “Sapala pantis, pantis ni Sigalangan. Sapala naeng mangalehon tumpak, sai unang ma di paralangalangan. Ai marasar Silogologo di tombak ni Simamora, sai horas ma Ama dohot Ina Ruas ni HKBP Cibitung on, tumpahon ni Tuhanta marroha jala mamora.”

 

Msk :    (Mangalusi - huhut paradehon parendeon)

 

 

19. UDURAN PATARUHON PELEAN PESTA GOTILON TU LANGGATAN:

 

 

Diudurhon Sintua HKBP Cibitung

 

 

S:    (Huhut mangendehon: BE. HKBP No. 848: 1... Dison Adong Huboan Tuhan F=Do 4/4)

 

 

Dison adong huboan Tuhan, parbue ni ngolungku

Na so tardok nian. Sadia ma argana Tuhan

Molo sai ni rajuman sude denggan basaM?

Jalo ma Tuhan, sai las ma rohaM.

 

Tanganku na metmet da, Tuhan, na so hea mansari

Dope au on Tuhan; Rohangku ma hulehon, Tuhan

Na boi pelehononku gabe las ni rohaM,

Jalo ma Tuhan, sai las ma rohaM.

 

… Musik …

 

Huingot do hataM da, Tuhan, ingkon sarihononhon

AnggiM na metmetan; Ampehon ma tanganMu sangkan,

Itak na otik i unang suda nian,

Jalo ma Tuhan, sai las ma rohaM.

 

20. TANGIANG PELEAN DOHOT PASUPASU

 

U:      Nunga itapasahat Peleanta, songon i dohot tumpakta tu huria ni Tuhanta. “Marmutik ma Simarlasuna, marbunga ma ia Labu. Hata nauli dohot pasupasu ni Tuhanta, boanonta i sahat martonga ni Jabu.” Taendehon ma: Tuhan na marmahani hami, togu hami ruasMon!

 

S:       (Mangendehon: BE. HKBP No.714: 1 Tuhan na Marmahani Hami Es=Do 4/4)

 

1.  Tuhan na marmahani hami togu hami ruasMon.

    Lehon dameM i di hami angka na hinophopMon.

   Tuhan Jesus Sipalua, parmahani ruasMon.

   Tuhan Jesus Siparmahan, parmahani ruasMon.

 

U:      Itadok ma mauliate tu Debata Jahowa, ai pardenggan basa do Ibana, ro di salelenglelengna do asi ni rohaNa tu hita. Nunga tapasahat siluanta tu huriaNa, songon parbue ni angka na taula. Antong! Tangihon hamu ma hata ni Debata na mandok: Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan. Antong taharinggashon ma manghobasi huriaNa di bagasan dame, sada ni roha dohot holong ni roha. Jongjong ma hamu!

 

H:      (mangendehon BE. HKBP No. 435: 3 Morolopolop Tondingki (BL.294) G=Do 4/4

 

3.  Tu Jesus sahat ngolungki, saleleng ni lelengna i
Rap dohot au endehon ma, endengku na imbaru da
Sonang ni tingki i, dung jumpang Jesus Tuhanki
Tondi na mangajari au, tarbaen marlas ni roha au
Sonang ni tingki i, dung jumpang Jesus Tuhanki

 

21. TANGIANG PELEAN – ALE AMANAMI – PASUPASU

 

 

 

 

 

 

 

 

 

 

 

 

II.  ACARA MAKAN BERSAMA

 

III. PESTA GOTILON

 

1.       Tortor Parhalado, Panitia Pembangunan & Panitia Pesta Gotilon Taon 2024

2.       Tortor Sikola Minggu & Guru Sikola Minggu

3.       Tortor Remaja

4.       Tortor Naposobulung

5.       Tortor Lansia

6.       Tortor Ama

7.       Tortor Ina

8.       Tortor Wijk 8

9.       Tortor Wijk 6

10.   Tortor Wijk 4&5

11.   Tortor Wijk 3

12.   Tortor Wijk 11

13.   Tortor Wijk 10

14.   Tortor Wijk 1&2

15.   Tortor Wijk 7

16. Tortor Panutup